හැඳින්වීම
කොළඹ , ගම්පහ සහ කළුතර දිස්ත්‍රික් ආවරණය කරමින් බස්නාහිර පළාත් ආයුර්වේද දෙපාර්තමේන්තුව මඟින් අඛණ්ඩව පවත්වා ගෙන යනු ලබන ආයුර්වේද ප්‍රජා සෞඛ්‍ය සේවාව මහජනතාවගේ නිරෝගී යහපැවැත්ම උදෙසා මාහැඟි දායකත්වයක් සපයනු ලබයි. මූලික ආයුර්වේද සංකල්පයන්ගේ දැක්වෙන පරිදි “ ස්වාස්ථස්‍ය ස්වාස්ථ රක්ෂණම්” පුද්ගලයාගේ නිරෝගී බව ආරක්ෂා කර ගැනීම පෙරදැරිව බස්නාහිර පළාත තුල මෙම ප්‍රජා සෞඛ්‍ය සේවාව ව්‍යාප්තව පවතී.
බස්නාහිර පළාත තුළ කොළඹ, ගම්පහ, කළුතර දිස්ත්‍රික්ක තුන ආවරණය වන පරිදි ප්‍රාදේශීය ලේකම් කොට්ඨාශ 40 ආවරණය කරමින් ආසන්න වශයෙන් ග්‍රාම නිලධාරි වසම් 20කට එක ප්‍රජා සෞඛ්‍ය වෛද්‍ය නිලධාරීවරයකු සේවය සදහා පත් කර ඇත.
ප්‍රජා සෞඛ්‍ය වෛද්‍යවරුන් විසින් බස්නාහිර පළාත් වාසීන්ගේ කායික මානසික සෞඛ්‍ය වර්ධනය සඳහා විවිධ ව්‍යපෘති සහ වැඩසටහන් ක්‍රියාත්මක කරයි.
බෝ නොවන රෝග නිවාරණ යටතේ දේශීය ආහාර හා පාන ප්‍රචලිත කිරීමේ වැඩසටහන්
බෝ නොවන රෝග පිළිබඳව දැනුවත් කිරීමේ වැඩසටහන්
බෝ වන රෝග නිවාරණ වැඩසටහන යටතේ ඩෙංගු හා වෙනත් වසංගත රෝග නිවාරණ වැඩසටහන්
නිරෝගී දරු පරපුරක් බිහි කරවීම උදෙසා ළදරු පෝෂණය හා ගර්භණි මව්වරුන්ගේ පෝෂණය සම්බන්ධව විශේෂ වැඩසටහන්
පෙර පාසල් වැඩසටහන් සහ පාසල් ශිෂ්‍යන් උදෙසා දැනුවත් කිරීමේ සහ පෝෂණ වැඩසටහන්
මත්ද්‍රව්‍ය නිවාරණ වැඩසටහන්
මානසික සෞඛ්‍ය ප්‍රවර්ධන වැඩසටහන්
යෝග පුහුණු වැඩසටහන්
කොට්ටාශ වල පාසල්, පන්සල් සහ පොදු ස්ථාන ආශ්‍රිතව ඔසු උයන් ස්ථාපිත කිරීම හා ඒවා පවත්වා ගැනීමේ වැඩසටහන්
සුව පියස වැඩසටහන්
ජාතික හා ජාත්‍යන්තර දින සැමරුම් වැඩසටහන්
අනාරක්ෂිත ජන කණ්ඩායම්වල සෞඛ්‍ය ගැටළු හදුනාගැනීම හා මැදිහත් වීම
එසේම ප්‍රාදේශීය ලේකම් කොට්ටාශවල විසිරී සිටින පාරම්පරික වෛද්‍යවරුන් එක්මුලු ගන්වමින් ඔවුන්ගේ දැනුම සංරක්ෂණය කිරීම සඳහා සංරක්ෂණ සභා වැඩසටහන්
පුද්ගලික ආයුර්වේද වෛද්‍ය මධ්‍යස්ථාන , ආයුර්වේද නිෂ්පාදනාගර ,පංචකර්ම මධ්‍යස්ථාන පරික්ෂා කිරීම
හදිසි ආපදා අවම කිරීම
විශේෂ වැඩසටහන් ලෙස මීගොඩ ඔසු උයන ආශ්‍රිතව සුව ගෙවත්ත, සුවකෙත ,ඇල්හේන ව්‍යාපෘතිය
බදුරලිය ප්‍රාදේශීය රෝහලේ ආයුර්වේද ප්‍රතිකාර ඒකකය පවත්වාගෙන යාම
